Baş nazirdən sərt reaksiya: Heç kim İraqa heç nə tətbiq edə bilməz
İraqın baş naziri Məhəmməd Şia əl-Sudani “Suriyadakı dəyişiklikləri İraqdakı siyasi dəyişikliklərlə bağlı müzakirələrlə əlaqələndirməyə çalışanlar var. Lakin bu, müzakirəyə açıq deyil" deyə bəyan edib.
Crossmedia.az İraqın rəsmi agentliyi "İNA"ya istinadən xəbər verir ki, Baş nazir Sudani gündəm haqqında açıqlamalar verib.
Suriyada qarşıdurma başladığı andan etibarən "İraq tərəfsizliyini qoruyub" deyən Sudani, suriyalıların öz gələcəklərini təyin etdiklərini vurğulayıb.
Sudani əlavə olaraq İraqın hakimiyyətin dinc yolla ötürülməsinə zəmanət verən, demokratik və plüralist bir sistemə sahib olduğunu da əlavə edib. Sudani qeyd edib ki, “heç bir kənar tərəfin İraqa iqtisadi və ya təhlükəsizliklə bağlı dəyişikliklər, islahatlar tətbiq etmək hüququ yoxdur."
Tərlan Əmrahova
13:59 04.01.2025
Oxunuş sayı: 4576
