Terror aktı törədiləcəkdi - FTX qarşısını aldı
Rusiya Federal Təhlükəsizlik Xidməti (FTX) Yekaterinburqda terror aktı hazırlamaqda ittiham olunan dörd Rusiya vətəndaşını saxlayıb.
Bu barədə Crossmedia.az “TASS”a istinadən məlumat verir.
FTX-nın mətbuat xidmətinin məlumatına görə, 2007 və 2008-ci illərdə anadan olmuş saxlanılan şəxslər Rusiyada qadağan olunmuş terror təşkilatının ideyalarını dəstəkləyiblər. Onlar özəl hazırlanmış partlayıcı qurğu ilə terror aktı törətməyi planlaşdırırdılar.
Həmçinin, iki şübhəlinin polis avtomobilinin yandırılması ilə əlaqəsi olduğu bildirilir. Onlardan partlayıcı qurğunun komponentləri və rabitə vasitələri götürülüb. Faktla bağlı cinayət işi açılıb.
Bundan əvvəl FTX-nın Rusiya Müdafiə Nazirliyinin yüksək vəzifəli zabitinə və xüsusi əməliyyatları işıqlandıran hərbi bloqçunun həyatına sui-qəsd hazırlamaqda ittiham olunan bir nəfəri saxladığı məlum olmuşdu. Həmin şəxs Ukrayna Baş Kəşfiyyat İdarəsinin tapşırığı ilə hərəkət edən Rusiya vətəndaşı olub.
Gültac Mehdizadə
12:51 04.01.2025
Oxunuş sayı: 7194
