İsrail Qəzzaya hava zərbəsi endirib: ölən və yaralananlar var
İsrail hava qüvvələri şənbə günü Qəzza şəhəri və Xan Yunisə hava zərbələri endirib.
Crossmedia.az Anadolu Agentliyinə istinadən xəbər verir ki, hücum nəticəsində 27 nəfər ölüb, 14 nəfər isə itkin düşüb.
Məlumata görə, Qəzza şəhərinin Şucayyə məhəlləsində bir evə edilən hava hücumu nəticəsində 11 fələstinli ölüb, çox sayda adam yaralanıb. Həmçinin İsrailin Satar bölgəsində mülki avtomobilin vurulması nəticəsində həlak olan 6 nəfərin cəsədi çıxarılıb. Başqa bir hücumda isə Şubaki ailəsinin üç üzvü - bir kişi, onun arvadı və doğulmamış uşağı həlak olub. Qəzza şəhərinin şimal-qərbindəki Kəşfiyyat Qüllələri ərazisinə də hücumlar edilib.
Xan Yunisdə, Şərif və Mujayda ailələrin evini hədəf alan hücum nəticəsində ölənlərin sayı 3-ə çatıb, onlardan biri uşaqdır. Daha on nəfər isə yaralanıb. Mavasidə, Xan Yunisdəki bir evə ard-arda edilən hava hücumu nəticəsində daha 9 fələstinli yaralanıb.
Eyni zamanda İsrail ordusu Qəzzanın şimalındakı İndoneziya xəstəxanasını da atəşə tutub.
Tərlan Əmrahova
10:59 04.01.2025
Oxunuş sayı: 4054
