Ermənistanın sabiq naziri şikayət etdi: "Xarici siyasi əlaqələrdə qonağa çevrilmişik"
“Təəssüf ki, 2023-cü ildə Qarabağı itirdiyimizi nəzərə alsaq, Ermənistan üçün müsbət yeniliklər yoxdur”.
Crossmedia.az xəbər verir ki, bunu “Ümuerməni Cəbhəsi” hərəkatının lideri, Ermənistanın keçmiş müdafiə naziri, erməni general-mayor Arşak Karapetyan deyib.
Onun sözlərinə görə, Ermənistan hökuməti Qarabağdan Ermənistana könüllü köç etmiş şəxslərə qarşı çox pis davranır.
“Torpaqları itirməkdə davam edirik, heç kim bizimlə danışıqlar masasına oturmur. Ermənistan xarici siyasi əlaqələrdə qonağa çevrilib. Özünüzü qonaq kimi təqdim edirsinizsə, o zaman ciddi məsələləri həll edə bilməzsiniz. Sən sadəcə iştirakçısan: danışıqları dinləyə, telefonla məşğul ola, oynaya bilərsən. Çox ağırdır, amma bizim vəziyyətimiz ağır olaraq qalmağa davam edir”, - deyə Karapetyan qeyd edib.
Sabiq erməni nazir bildirib ki, Ermənistan rəhbərliyinin əsas məqsədi pul qazanmaqdır.
09:29 04.01.2025
Oxunuş sayı: 7391
