Bayden dənizdə neft və qaz yataqlarının işlənməsini məhdudlaşdırmağa hazırlaşır
ABŞ Prezidenti Co Bayden administrasiyası Atlantik və Sakit okean sahillərində, eləcə də Meksika körfəzinin şərqində yeni dəniz neft və qaz yataqlarının işlənməsini qadağan etməyi planlaşdırır.
Crossmedia.az “Bloomberg”ə istinadən xəbər verir ki, bu məhdudiyyətlər 2025-ci il yanvarın 6-da elan edilə bilər və 625 milyon akr (təxminən 2,5 milyon kvadrat kilometr) ərazini əhatə edəcək.
Bu addım Bayden administrasiyasının qalıq yanacaq istifadəsini azaltmaq və istixana qazları ilə mübarizə aparmaq strategiyasının bir hissəsidir. Tədbir uzunmüddətli təsir yarada bilər və yeni seçilmiş prezident Donald Trampın ABŞ-da neft və qaz hasilatını artırmaq planlarını çətinləşdirə bilər.
Bayden 2020-ci il prezident seçkisi kampaniyası zamanı ictimai torpaqlarda və dənizdə neft və qaz yataqlarının işlənməsi üçün yeni lisenziyaların verilməsini dayandırmaq niyyətində olduğunu bildirmişdi. Hakimiyyətə gəldikdən sonra isə federal torpaqların icarəyə verilməsinə moratorium qoymuşdu.
Bu yeni məhdudiyyətlər, Bayden administrasiyasının enerji siyasətində qalıq yanacaqlardan imtina və təmiz enerji keçidinə istiqamətlənmiş daha bir önəmli addımı kimi dəyərləndirilir.
Fidan Hacızadə
07:52 04.01.2025
Oxunuş sayı: 8933
