Böyük Britaniyalı nazirdən İlon Maska çağırış: "Pedofiliyaya qarşı birlikdə mübarizə aparaq"
Böyük Britaniyanın səhiyyə və sosial məsələlər naziri Ues Stritinq amerikalı sahibkar İlon Maskdan ölkədə pedofiliyaya qarşı mübarizədə yardım etməsini istəyib.
Crossmedia.az xəbər verir ki, bu barədə nazir ITV telekanalına müsahibəsində bildirib.
“Əgər o, bizimlə işləmək istəsə, biz bunu məmnuniyyətlə qəbul edərik”, – deyə Stritinq qeyd edib. Nazir həmçinin milyarderin Böyük Britaniyada pedofiliya ilə bağlı bəzi bəyanatlarını səhv hesab etdiyini vurğulayıb. Onun sözlərinə görə, bu bəyanatlar “yanlış və düzgün qiymətləndirilməmiş məlumatlara əsaslanır”.
Daha əvvəl İlon Mask Böyük Britaniyanın Baş naziri Kir Starmeri “çoxsaylı təcavüzlərin iştirakçısı” adlandırmışdı. “Starmer altı il ərzində Kral Prokurorluğuna rəhbərlik edərkən britaniyalıların alçaldılmasında iştirak edib”, – deyə Mask bildirmişdi. Həmçinin, yanvarın 3-də Mask Böyük Britaniya kralı III Karlı parlamenti buraxmağa çağırmışdı.
Gültac Mehdizadə
04:22 04.01.2025
Oxunuş sayı: 5399
