Türkiyə İsrail ilə ticarəti tamamilə dayandırdı
Türkiyənin Ticarət naziri Ömər Bolat 2024-cü il İxracat Rəqəmlərinin Açıqlanması Proqramında illik dəyərləndirmələr haqqında danışıb.
Crossmedia.az "Sabah"a istinadən xəbər verir ki, nazir İsraillə Türkiyə arasında olan ticarət əlaqələri haqqında da danışıb.
O, açıqlamasında bildirib:
"Ticarət diplomatiyasında lazım gəldikdə bizim şərəfli xarici siyasətimizin və humanitar praktikamızın konkret nümunəsi kimi İsrail məsələsini qeyd etmək istərdim. Hökumətimiz 2024-cü il mayın 2-dən etibarən İsraillə ixrac, idxal və tranzit baxımından ticarəti tamamilə dayandırıb. Fələstin Milli İqtisadiyyat Nazirliyinin istəyi ilə biz iyun ayından etibarən hər iki ölkənin Ticarət Nazirliyi və Milli İqtisadiyyat Nazirliyinin nəzarəti altında, Fələstin iqtisadiyyatını ayaqda saxlamaq üçün ticarət edəcəyik. Həmçinin Fələstinlə Azad Ticarət Sazişi çərçivəsində 41 kənd təsərrüfatı məhsuluna güzəştlər verdik. Xurma kvotasını min tondan 3 min tona, sonra 4 min tona, nəhayət 7 min tona çatdırdıq".
Tərlan Əmrahova
18:30 03.01.2025
Oxunuş sayı: 4952
