Türkiyə, Cumhuriyyət tarixinin rekorduna imza atıb
Türkiyə Prezidenti Rəcəb Tayyib Ərdoğan, 2024-cü ildə mal ixracatının 2023-cü illə müqayisədə 2,5 faiz artaraq 262 milyard dollara çatdığını və bunun Cumhuriyyət tarixinin rekord göstəricisi olduğunu bildirib.
Crossmedia.az xəbər verir ki, Haliç Konqres Mərkəzində keçirilən “2024-cü ilin İxracat Rəqəmlərinin Açıqlanması Proqramı”nda çıxış edən Ərdoğan, yeni il münasibətilə iş dünyasını və bütün dost xalqları təbrik edib.
Ərdoğan, 2024-cü ildə Qəzzada 50 min insanın həyatına son qoyan fəlakətlərin davam etdiyini vurğulayıb. O, Türkiyənin 100 min ton humanitar yardım göndərərək Qəzzadakı insanlara dəstək verdiyini və Fələstin Dövlətinin tanınması üçün diplomatik səylərdə öncül rol oynadığını qeyd edib.
Həmçinin, Ərdoğan İsraillə bütün ticarət əlaqələrini dayandıran yeganə ölkənin Türkiyə olduğunu diqqətə çatdırıb və Suriyada doğan ədalət işığının Qəzza üçün də ümid olacağına inandığını ifadə edib.
Gültac Mehdizadə
17:32 03.01.2025
Oxunuş sayı: 6741
