ABŞ-də Çin istehsalı olan PUA-lar qadağan edilə bilər
ABŞ-ın hazırkı prezidenti Co Baydenin administrasiyası ölkədə Çin istehsalı olan pilotsuz uçuş aparatlarının məhdudlaşdırılmasını və ya tamamilə qadağan edilməsini planlaşdırır.
Bu barədə Crossmedia.az “Bloomberg”ə istinadən məlumat verir.
ABŞ Ticarət Nazirliyi mümkün qadağanın nəticələri ilə bağlı şirkətlərdən məlumat almağı planlaşdırır. Lakin yekun qərar qəbul edildikdə, artıq yeni seçilmiş prezident Donald Tramp vəzifədə olacaq.
Bundan əvvəl Çin, ABŞ-ın Tayvana silah satışı ilə bağlı 28 müdafiə şirkətinə ikili təyinatlı məhsulların tədarükünü qadağan edib və onlardan 10-nu etibarsız təşkilatlar siyahısına daxil edib. Pekin, eyni anda həm Çin Xalq Respublikasını (ÇXR), həm də 1949-cu ildən etibarən adada mövcud olan Tayvan Çin Respublikasını tanımağın yolverilməz olduğunu ifadə edən “Bir Çin prinsipi”ndə israr edir.
Gültac Mehdizadə
12:36 03.01.2025
Oxunuş sayı: 14268
