Ermənistanda bu qruplar türk düşmənçiliyinin davam etməsini istəyirlər - kimdir onlar?
Ermənistan hökumətində bəzi qruplar sülh danışıqlarına mane olmaq üçün hər fürsətdən istifadə edirlər. Bu görünməz səhnədə erməni diasporu da öz rolunu oynayır, illərdir davam edən düşmənçiliyi bəsləyərək münasibətlərin normallaşmasına əngəl törədir. Gələcəkdə sülhün bərqərar olmasını istəyənlərin qarşısında duran bu köhnə nifrət, əslində erməni diasporunun varlığının dayanağına çevrilmişdir.
Mövzuilə bağlı Crossmedia.az-a danışan politoloq Zeynal Əmrəliyev Ermənistan hökumətində bəzi qruplar sülh danışıqlarında Paşinyanın hakimiyyətinə maneəçilik törətmək üçün əllərindən gələn fürsətlərdən istifadə etdiyini vurğulayıb.
“Bu məsələdə erməni diasporu xüsusi fəallıq göstərə bilər. Azərbaycan və Ermənistan münasibətlərinin normallaşmaması və paralel şəkildə Azərbaycan-Türkiyə dövlətləri üçün münasibətlərin normallaşmaması üçün əllərindən gələni edirlər. Bunun əsas səbəbi erməni diasporunun ayaqda durması və güclənməsinə məhz Ermənistanda olan türk düşmənçiliyidir. Bunun bitməsi erməni diasporunun bitməsi deməkdir. Çalışırlar ki, bu düşmənçilik davam etsin”.
Əmrəliyev qeyd edir ki, son halqa Fransada Xurşidbanu Natəvanın heykəlinə edilən hücum oldu. “Bu gün Fransa hökuməti faktiki olaraq erməni diasporunun əsirinə çevrilib. Bundan istifadə edərək Azərbaycan-Türkiyə mədəniyyətinə aid olan nümunələrə qarşı hücumlar təşkil edirlər. Ən böyük hücum isə Azərbaycan ədəbiyyatının görkəmli nümayəndəsi, bizim xan qızı kimi tanıdığımız Xurşidbanu Natəvanın xatirəsinə həsr olunmuş heykələ edilmiş hücum oldu. Bu çox təəssüfləndirici bir haldır. Özünü demokratiyanın böyük nümayəndəsi hesab edən Fransa bu məsələdə susqunluq nümayiş etdirdi və günahkarları cəzalandırmadı. Bu, sülhü çətinləşdirə bilər”.
Samirə Şərif
11:11 03.01.2025
Oxunuş sayı: 6933
