Əfqanıstan və Pakistan sərhəd qüvvələri arasında gərginlik davam edir
Əfqanıstan və Pakistan sərhəd qüvvələri arasında keçən həftə artan gərginlikdən sonra yenidən toqquşma baş verib.
Crossmedia.az “TOLO News”-a istinadən xəbər verir ki, Pakistan qüvvələri saat 01:30 radələrində Əfqanıstanın Host vilayətində, Pakistan sərhədində yerləşən Ali Şər rayonuna raket hücumu təşkil edib.
Əfqan qüvvələrinin cavab verməsi ilə başlayan toqquşma saat 05:00-a qədər davam edib. Toqquşmalar nəticəsində bir çox ailə evlərini tərk etmək məcburiyyətində qalıb. Ölənlər və yaralananlarla bağlı hələlik ətraflı məlumat verilmir.
Pakistanın hərbi təyyarələri 24 dekabrda, iki ölkə sərhədinə yaxın bir ərazidə, Əfqanıstanın Paktika vilayətindəki bəzi bölgələrə hava hücumları təşkil edib. Pakistan hökuməti bu hücumların “Pakistan Talibani (TTP) aid düşərgələri hədəf aldığını” bildirib.
Əfqanıstan hökuməti isə, bu hücumların zamanı çox sayda mülki şəxsin, o cümlədən çoxu uşaq və qadın olmaqla ən azı 46 nəfərin həyatını itirdiyini açıqlayıb.
Bu hücuma cavab olaraq, 28 dekabrda Əfqanıstan qüvvələri Pakistan ərazisini hədəf alaraq, 19 Pakistan əsgərini öldürdüklərini bildirib.
Fidan Hacızadə
09:03 03.01.2025
Oxunuş sayı: 5397
