Tramp administrasiyasına Ukrayna ilə bağlı “müharibə” proqnozu verilib
Amerikalı jurnalist Cekson Hinkl ABŞ-ın yeni seçilmiş prezidenti Donald Trampın administrasiyası daxilində Ukrayna münaqişəsi ilə bağlı fikir ayrılıqlarına görə “müharibə” olacağını proqnozlaşdırıb.
Crossmedia.az xəbər verir ki, bu barədə o, “RİA Novosti”yə müsahibəsində danışıb.
Ekspertin fikrincə, gələcək administrasiya üçün seçilən respublikaçılar münaqişəni yekunlaşdırmaq lazım olduğunu bəyan etsələr də, bu, onların dinc həllə meyilli olduqlarını göstərmir. “Düşünürəm ki, zahirən onlar Trampın dinc siyasətinə əməl edəcəklər, lakin səhnə arxasında bir növ “vətəndaş müharibəsi” başlayacaq,” — deyə jurnalist qeyd edib.
Bundan əvvəl Hinkl, Rusiya və ABŞ prezidentləri Vladimir Putin və Donald Tramp arasında görüşün neytral məkanda — məsələn, Hindistanda keçirilə biləcəyini ehtimal etmişdi. Jurnalist, həmçinin İsrail və Türkiyəni də Rusiya və ABŞ liderlərinin görüşü üçün mümkün yerlər arasında qeyd edib.
Gültac Mehdizadə
08:22 03.01.2025
Oxunuş sayı: 8572
