İranlı diplomat hava limanında çantasında axtarışa icazə verməyib
Ötən gün Beyrutun “Rəfiq Həriri” hava limanında İranın “Mahan Air” aviaşirkətinə məxsus təyyarəyə baxış keçirildikdən sonra İran səfirliyinin əməkdaşı onun çantasının yoxlanılmasına qarşı çıxıb.
Crossmedia.az xəbər verir ki, Beyrut hava limanının təhlükəsizlik işçiləri İranın diplomatik nümayəndə heyətinin baqajlarını yoxlamağa çalışarkən, maneələrlə və gərginliklə üzləşiblər.
Qeyd olunub ki, Beyrut hava limanının təhlükəsizlik rəsmiləri son bir həftədə ikinci dəfə İran təyyarəsinə və sərnişinlərin bütün əşyalarına baxış keçiriblər.
12:12
Dünən İranın “Mahan Air” aviaşirkətinə məxsus təyyarə Beyrut beynəlxalq hava limanında hərtərəfli yoxlama üçün saxlanılıb. Təyyarədə terror fəaliyyətinin maliyyələşdirilməsi üçün nəzərdə tutulan külli miqdarda pulun aparıldığı ehtimal edilir.
Crossmedia.az xəbər verir ki, belə uçuşların yoxlanılması bir neçə həftə əvvəl başlayıb və amerikalı zabitlərin nəzarəti altında aparılır. Gecikməyə cavab olaraq hava limanı ərazisində aksiyalar keçirilib və İran mediasının diqqətini çəkib.
Qeyd edək ki, bundan öncə Səudiyyə Ərəbistanı mediası bildirib ki, İran Hizbullaha milyonlarla dollar köçürmək üçün Tehrandan Beyruta uçuşlardan istifadə edir.
09:12 03.01.2025
Oxunuş sayı: 4957
