Bu sosial şəbəkə İŞİD-in təbliğatına görə cərimələndi
Moskvanın Taqanski Məhkəməsi Teleqram messencerini “İslam Dövləti” (İŞİD, İŞİD Rusiya Federasiyasında qadağan olunmuş terror təşkilatıdır) ilə bağlı təbliğat materiallarını yerləşdirən kanalları silməkdən imtina etdiyinə görə cərimələyib.
Crossmedia.az bildirir ki, bu barədə TASS məlumat yayıb.
Baş Prokurorluq həmçinin Teleqramda saxta sənədlərin satışı, qanunsuz kütləvi tədbirlərlə bağlı məlumatlar, Rusiya Ordusunun nüfuzdan salınmasına yönəlmiş yazılar və ictimai əhəmiyyət daşıyan yalan məlumatları əks etdirən paylaşımlara diqqət çəkib. Roskomnadzor messencer rəhbərliyindən bu kanalların ləğvini tələb edib, lakin bu tələblər yerinə yetirilməyib.
Nəticədə məhkəmə Teleqram Messencer Inc.-ə 4 milyon rubl məbləğində cərimə tətbiq olunması barədə qərar çıxarıb. Bu cərimə 3 dekabr 2024-cü ildə tətbiq olunub. O zaman cərimənin dəqiq səbəbi açıqlanmamışdı.
Qeyd edək ki, noyabr ayında isə messencer qadağan olunmuş məlumatları silmədiyinə görə 7 milyon rubl məbləğində cərimələnmişdi. Bundan əvvəl Teleqram separatizmə çağırışlar olan kanalları silməkdən imtina etdiyi üçün də 4 milyon rubl məbləğində cərimə almışdı.
Gültac Mehdizadə
07:58 03.01.2025
Oxunuş sayı: 4875
