Tunis sahillərində 27 miqrant ölüb
Tunisin mərkəzində iki qayığın batması nəticəsində 27 miqrant, o cümlədən qadın və uşaqlar ölüb, 83 nəfər xilas edilib.
Crossmedia.az xəbər verir ki, mülki müdafiə rəsmisi bu barədə “AFP”yə verdiyi açıqlamada məlumat verib. Sfaks şəhərinin mülki müdafiə rəisi Zied Sdiri bildirib ki, Tunisin mərkəzi yaxınlığındakı Kerkennah adaları yaxınlığında tapılan xilas edilmiş və ölən sərnişinlər Avropaya çatmağı hədəfləyiblər. Tapılanların hamısı Saharanın cənubunda yerləşən Afrika ölkələrindəndirlər.
Tunis Milli Qvardiyasının məlumatına görə, digər itkin düşən sərnişinlər üçün axtarışlar davam edir.
Tunis, İtaliya üzərindən Avropaya çatmağa çalışan nizamsız mühacirlər üçün mühüm çıxış yolu nöqtəsidir. İtaliyanın Lampeduza adası Tunisə sadəcə 150 kilometr uzaqlıqda yerləşir. Çox vaxt bu ərazi ilk dayanma nöqtəsi olur.
Dekabrın 18-də Saharadan cənub-şərqi Afrikadan olan azı 20 miqrant Sfaks şəhəri yaxınlığında gəminin batması nəticəsində həlak olub, daha 5 nəfər isə itkin düşüb.
Dekabrın 12-də sahil mühafizəsi Sfaksın şimalındakı Jebeniana yaxınlığında 27 afrikalı miqrantı xilas edib. Lakin 15 nəfərin öldüyü və ya itkin düşdüyü bildirilir.
Tərlan Əmrahova
15:40 02.01.2025
Oxunuş sayı: 5001
