Ukrayna Suriyanın sabitləşməsi üçün dəstəyini gücləndirir
Crossmedia.az xəbər verir ki, Ukrayna Prezidenti Vladimir Zelenski ölkəsinin Suriyanın sabitləşməsi istiqamətində atılacaq bütün addımları dəstəkləyəcəyini bəyan edib.
Zelenski bildirib ki, Yaxın Şərqdə sabitliyin təmin olunması bütün tərəfdaşlar üçün daha çox sülh və iqtisadi fayda gətirəcək. Bu çərçivədə, Ukrayna Suriyaya humanitar yardım proqramlarını genişləndirmək niyyətindədir.
“Biz Suriyanın sabitləşməsi üçün bütün mümkün səyləri dəstəkləyəcəyik. Bunun bir hissəsi olaraq, Suriyaya xüsusi olaraq “Ukraynadan taxıl” proqramını tətbiq edəcəyik. Dekabrın 31-də Ukrayna tərəfindən suriyalı ailələrə paylanması üçün 500 ton un yüklənmiş 20-dən çox yük maşını göndərildi,” - deyə Prezident vurğulayıb.
Zelenski, Ukraynanın bu təşəbbüsü daha da genişləndirmək məqsədilə Avropa ölkələri və ABŞ-la əməkdaşlıq etdiyini qeyd edib. Onun sözlərinə görə, bu təşəbbüslər Suriyada həm humanitar, həm də iqtisadi sabitliyə töhfə verəcək.
14:25 02.01.2025
Oxunuş sayı: 3793
