Səudiyyə Ərəbistanı 6 İran vətəndaşını edam etdi: Vəziyyət gərginləşdi
Səudiyyə Ərəbistanının Daxili İşlər Nazirliyi ölkəyə narkotik maddələrin qaçaqmalçılığında ittiham olunan altı İran vətəndaşının edam edildiyini bildirib.
Bu barədə Crossmedia.az “Anadolu Ajansı”na istinadən xəbər verir.
Rəsmi Səudiyyə Ərəbistanı agentliyi SPA-nın məlumatına görə, edam edilən şəxslər bunlardır: Qasım Məhəmməd Şəbani, Əbdürrza Yunus Tənqasiri, Xəlil Şahid Samri, Məhəmməd Cavad Əbdülcəlil, Mehdi Kenan Qənimi və Xur Məhəmməd Şəbani. Məlumata əsasən, onlar Səudiyyə Ərəbistanına narkotik maddələri qanunsuz yolla gətirməkdə ittiham olunub.
Nazirliyin açıqlamasında bildirilir ki, ittiham olunan şəxslər saxlanılıb, məhkəmə tərəfindən mühakimə olunub və ölüm cəzasına məhkum edilib. Hökm Səudiyyə Ərəbistanı hakimiyyətinin qərarı ilə icra olunub.
İranın reaksiyası
İranın dövlət agentliyi IRNA-nın verdiyi xəbərə görə, ölkənin Xarici İşlər Nazirliyi Səudiyyə Ərəbistanının Tehrandakı səfiri Abdullah bin Səud əl-Ənəzini çağıraraq, vətəndaşlarının edamına dair kəskin ifadələrlə dolu etiraz notasını ona təqdim edib.
İran tərəfi edamları qətiyyətlə qınadığını bildirib.
Gültac Mehdizadə
11:10 02.01.2025
Oxunuş sayı: 11967
