Boliviya prezidenti ölkəsinin BRICS tərəfdaşı kimi yeni imkanlar əldə edəcəyini deyib
Boliviya BRICS tərəfdaşı dövlət kimi yeni ticarət və iqtisadi imkanlar əldə edəcək.
Crossmedia.az xəbər verir ki, bu barədə Boliviya prezidenti Luis Arse özünün X sosial şəbəkəsində məlumat verib.
"BRİKS-ə inteqrasiya bizə enerji, ticarət, texnologiya, istehsal və davamlı maliyyə kimi əsas sektorları təşviq etmək imkanı verir. Yeni qlobal nizama keçidlə bağlı qeyri-müəyyənliklə dolu bir dünyada bu blokun bir hissəsi olmaq bizə yeni imkanlar verəcək - irsimizi şaxələndirmək və qorumaq”, -deyə o bildirib.
Onun sözlərinə görə, BRİKS-in tərəfdaş dövləti kimi Boliviyaya “yeni qapılar” açılacaq və bu, ölkənin artan bazarlarla ticarət əlaqələrini genişləndirməyə və şaxələndirməyə imkan verəcək.
Qeyd edək ki, Braziliya 2025-ci il yanvarın 1-dən BRİKS-ə sədrlik edir. Həmin gün yeni tərəfdaş dövlətlər qrupa qoşulub.
Rusiya XİN-nin məlumatına görə, siyahıya Belarus, Boliviya, Kuba, İndoneziya, Qazaxıstan, Malaziya, Tailand, Uqanda və Özbəkistan daxildir.
Nəzrin Salmanova
09:32 02.01.2025
Oxunuş sayı: 21483
