Türk adı daşıyan övladına şəhadətnamə ala bilməyən güneyli fəal işini itirib
Crossmedia.az xəbər verir ki, Təbrizdən olan güneyli fəal Rəhman Azərmiradın 2023-ci ildə oğlu üçün seçdiyi Volkan adına İran Vətəndaş Qeydiyyatı İdarəsindən övladına 19 ay doğum haqqında şəhadətnamə ala bilməyib.
O, oğlunun 19 ay doğum haqqında şəhadətnaməsiz qaldığını və buna görə məcburiyyət qarşısında oğlu üçün Albay adını seçdiklərini bildirib. Azərmiradın sözlərinə görə, oğlunun doğum haqqında şəhadətnaməsi olmadığına görə onlar tibbi sığortadan yararlana bilməyib və uşağın bütün tibbi ehtiyaclarını baha qiymətə öz ciblərindən ödəmək məcburiyyətində qalıblar.
“Bu 19 ay ərzində uşağımız subsidiya və pay almaqdan məhrum olub. Həm də sərbəst işim var idi və işimlə əlaqədar ailəmlə Türkiyəyə gedib İran bazarında satmaq üçün mal gətirirdik, ancaq oğlumuzun doğum haqqında şəhadətnaməsi olmadığına görə ona pasport ala bilmədik, bu səbəbdən işimi də itirdim”, - deyə, fəal qeyd edib. (Dan.magazin)
09:08 02.01.2025
Oxunuş sayı: 4254
