Suriyanın elektrik təchizatı məsələsi 2025-ci ildə həll ediləcək
Türkiyənin Enerji və Təbii Sərvətlər naziri Alparslan Bayraktar bildirib ki, Türkiyənin elektrik şirkətləri 2025-ci ildə Suriyanın elektrik təchizatı problemlərini həll edəcək.
Crossmedia.az bu barədə "Dünya" qəzetinə istinadən xəbər verir.
"Türkiyənin ən böyük dövlət elektrik enerjisi istehsalı şirkəti olan Elektrik İstehsalat Şirkəti (EUAS) 2025-ci ildə Suriyanın elektrik enerjisinə ehtiyacını ödəmək üçün çalışacaq. EUAS bu sahədə böyük təcrübəyə malikdir və biz regionda sabitliyə nail olmağı hədəfləyirik" deyə bildirib nazir Bayraktar.
O, əlavə edib ki, Türkiyə Elektrik Ötürmə Müəssisəsi də (TEİAŞ) Suriyanın elektrik enerjisi təchizatında köməklik göstərəcək.
"Biz TEİAŞ-ı daha da gücləndirməyə çalışırıq. Hazırda tutumu artırılmış yeni bir elektrik ötürmə arxitekturası tətbiq edirik. 2025-ci il TEİAŞ-ın inkişafı üçün həlledici olacaq. Bu dövrdə TEİAŞ-ın qarşısında duran mühüm vəzifələrdən biri də elektrik enerjisinə olan tələbatın ödənilməsidir. Bu dönəmdə TEİAŞ-ın əsas vəzifələrindən biri də qonşu Suriyanın elektrik tələbatını ödəməkdir. TEİAŞ bu kontekstdə beynəlxalq vəzifəsini yerinə yetirəcək”- deyə nazir vurğulayıb.
Tərlan Əmrahova
06:58 02.01.2025
Oxunuş sayı: 9113
