Amerika KİV-ləri Yeni Orleanda törədilən terror aktında şübhəli şəxsin adını açıqlayıb
ABŞ Federal Təhqiqatlar Bürosunun məlumatına əsasən, şübhəli şəxsin adı Şəmsuddin Cabbar olub.
Crossmedia.az xəbər verir ki, 42 yaşlı Cabbar hadisə zamanı ölüb – onun polis əməkdaşlarına atəş açmasından sonra polis tərəfindən vurulduğu ehtimal edilir. Hazırda FTB onun cinayət ortaqlarının olub-olmamasını və Texas nömrə nişanlı pikap avtomobilini haradan əldə etdiyini araşdırır.
CNN-ə danışan şahidlər bildiriblər ki, Yeni il gecəsi Yeni Orleanın məşhur Burbon küçəsində insan izdihamının təhlükəsizliyini təmin etmək üçün nəzərdə tutulmuş polad maneələr qurulmayıb. Qeyd edək ki, bu maneələr 2017-ci ildə Nitsa terror aktından və Yeni Orleanın Fransız kvartalında baş verən sərxoş sürücülərin səbəb olduğu qəzaların qarşısını almaq məqsədilə quraşdırılmışdı. Maneələr yerə enə və ya möhkəmləndirilə bilərdi, lakin bu dəfə bu tədbirlər görülməyib.
Bundan əlavə, ABŞ KİV-ləri pikap avtomobilində İŞİD bayrağının dalğalandığını da qeyd ediblər.
Gültac Mehdizadə
20:40 01.01.2025
Oxunuş sayı: 8018
