Rusiya Hmeymim Aviabazasını Liviyaya köçürməyə hazırlaşır
Peyk görüntüləri Rusiyanın Cənubi Liviyada iri bir hərbi baza inşa etdiyini göstərir. Bu baza strateji mövqedə – Sudan və Çad sərhədlərinə yaxın, Kuri-Bugudi regionundakı qızıl mədənlərinin yaxınlığında yerləşir.
Crossmedia.az xəbər verir ki, mütəxəssislər bazanın Rusiya Müdafiə Nazirliyinə bağlı "Afrika Korpusu"nun istifadəsinə veriləcəyini bildirirlər. Hərbi jurnalistlərin məlumatına görə, bu addım regionda Rusiyanın təsir gücünü artırmaq və strateji nəzarəti genişləndirmək məqsədi daşıyır.
Hazırda Rusiya Hmeymim aviabazasını buraya köçürmək üçün hazırlıqlara vaxt ayırır. Bu proses həm logistik, həm də texnoloji baxımdan ciddi planlama tələb edir.
Analitiklər hesab edirlər ki, bu baza təkcə hərbi məqsədlər üçün deyil, həm də bölgənin iqtisadi resurslarına, xüsusən də qızıl mədənlərinə nəzarət üçün nəzərdə tutulmuş ola bilər.
Rusiyanın bu addımı regionda geosiyasi tarazlıqları dəyişə bilər və beynəlxalq ictimaiyyətin diqqətini yenidən Afrikaya yönəldə bilər.
19:39 01.01.2025
Oxunuş sayı: 4530
