Rusiyadan Kiyevə PUA hücumu: Ölən və yaralananlar var
Rusiyanın Ukraynanın paytaxtı Kiyevə pilotsuz uçuş aparatı (PUA) ilə həyata keçirdiyi hücumda 1 nəfər ölüb. 6 nəfər isə yaralanıb.
Crossmedia.az “Haber Global”a istinadən xəbər verir ki, Kiyev meri Vitali Kliçko verdiyi açıqlamada, hücum nəticəsində bir qadının həyatını itirdiyini, 6 nəfərin isə yaralandığını bildirib. Yaralılardan 4-nün hadisə yerində müalicə olunduğunu, 2 nəfərin isə xəstəxanaya yerləşdirildiyini qeyd edib. Hücum nəticəsində bir yaşayış binasının iki mərtəbəsinin qismən dağıldığı və çox sayda avtomobilin yararsız hala düşdüyü bildirilib.
Ukrayna Milli Bankı, təsirsiz hala gətirilmiş bir PUA-nın düşməsi nəticəsində binanın zərər gördüyünü açıqlayıb. Ukrayna ordusu isə gecə ərzində Rusiyaya məxsus 111 PUA-dan 63-nün vurulduğunu bəyan edib.
Fidan Hacızadə
16:39 01.01.2025
Oxunuş sayı: 5973
