ÜST Çini COVID-19-a dair məlumatları paylaşmağa çağırıb
Ümumdünya Səhiyyə Təşkilatı (ÜST) COVID-19-un meydana çıxmasından beş il sonra bu xəstəliklə mübarizənin və onun öyrənilməsi istiqamətində davam edən səylərin nəticələrini açıqlayıb.
Crossmedia.az Birləşmiş Millətlər Təşkilatına istinadla xəbər verir ki, ÜST xatırladıb ki, 2019-cu il dekabrın 31-də Çin Ölkə Ofisi Uhan Bələdiyyə Səhiyyə Komissiyasının saytında şəhərdə "virus pnevmoniyası" halları ilə bağlı mətbuata açıqlama verib.
“Dünya üzrə SARS-CoV-2 virusunun səbəb olduğu 777 074 803 yoluxma və 7 milyondan çox ölüm halı təsdiqlənib. "COVID-19-un mənşəyini öyrənə bilməyimiz üçün Çini məlumatları paylaşmağa və onlara çıxışı təmin etməyə çağırmağa davam edirik. Bu, mənəvi və elmi imperativdir. Ölkələr arasında şəffaflıq, məlumat mübadiləsi və əməkdaşlıq olmadan dünya gələcək epidemiya və pandemiyaların qarşısını adekvat şəkildə ala və onlara hazırlaşa bilməz", - deyə bəyanatda bildirilib.
Nəzrin Salmanova
13:10 01.01.2025
Oxunuş sayı: 19031
