Rusiya Ukrayna üzərindən qaz tranzitini dayandırdı
"Gazprom" şirkəti tranzit sazişinin müddətinin başa çatması ilə əlaqədar Moskva vaxtı ilə saat 08:00-dan etibarən Ukrayna ərazisindən qaz nəqlini dayandırıb.
Crossmedia.az xəbər verir ki, şirkət rəsmi açıqlamasında tədarükün davam etdirilməsi üçün texniki və hüquqi imkanların mövcud olmadığını vurğulayıb.
Ukrayna da Rusiya qazının tranzitinin dayandırıldığını təsdiqləyib. Ukraynanın Energetika Nazirliyi 1 yanvar səhər saatlarında, əvvəlcədən planlaşdırıldığı kimi, Rusiya qazının Avropa İttifaqına tranzitinin rəsmən dayandırıldığını bəyan edib.
Bu hadisə, Rusiya və Ukrayna arasında enerji təchizatı ilə bağlı davam edən gərginliyin daha bir nümunəsi kimi qiymətləndirilir və Avropanın enerji təhlükəsizliyinə təsir göstərə biləcəyi gözlənilir.
08:39 01.01.2025
Oxunuş sayı: 4474
