Ukrayna 2025-ci ildə sülh müqaviləsi imzalayacaq
Ukrayna 2025-ci ildə bir sülh müqaviləsi imzalayacaq və bu müqavilə çərçivəsində bir neçə ərazisini təhvil verəcək.
Crossmedia.az xəbər verir ki, bu barədə Financial Times məlumat yayıb.
Qəzetin yazdığına görə, bu müqavilə ölkənin gələcək təhlükəsizlik zəmanətləri ilə bağlı olacaq. Ukrayna ərazilərini itirsə də, təhlükəsizlik zəmanətləri və beynəlxalq dəstək vasitəsilə yeni bir status-kvo qurulacaq. Həmçinin, bu müqavilə NATO üzvlüyü məsələsini qeyri-müəyyən müddətə təxirə salacaq.
Proqnozlara görə, Ukrayna lideri Volodimir Zelenski, hüquqi baxımdan Ukrayna nəzarətində olmayan, lakin Rusiya Silahlı Qüvvələri tərəfindən işğal edilmiş ərazilər üzərində faktiki nəzarəti qəbul etməyə məcbur olacaq.
Qəzetin müəllifləri belə hesab edir: "Kiyev hökuməti əraziləri ABŞ dəstəyi və Avropa təhlükəsizlik zəmanətləri qarşılığında təhvil verəcək, amma ölkənin NATO üzvlüyü müvəqqəti olaraq dayandırılacaq."
Əvvəlcə, Die Welt də yazmışdı ki, Ukrayna hal-hazırda hərbi cəhətdən çox zəifdir və gələn il danışıqlara başlamağa məcbur olacaq, ərazi güzəştləri isə yeganə çıxış yolu olacaq.
Nabat Fərzəliyeva
18:25 31.12.2024
Oxunuş sayı: 4829
