Euronews: 2024-cü il - Emmanuel Makronun karyerasında ən çətin il
2024-cü il Fransa Prezidenti Emmanuel Makronun siyasi karyerasında ən uğursuz illərdən biri kimi tarixə düşüb.
Crossmedia.az xəbər verir ki, Euronews-un ilin ən uğurlu və ən uğursuz siyasətçilərinə həsr olunan icmalında vurğulanır ki, Fransada siyasi və iqtisadi çətinliklər Makronun liderliyinə ciddi zərbə vurub.
Məqalə müəlliflərinin fikrincə, bir zamanlar Avropapərəst və güclü milli liderlərdən biri kimi tanınan Makron, indi “axsaq ördək” vəziyyətinə düşüb.
“Necə olursa-olsun, 2024-cü il Fransa Prezidenti üçün tamamilə fəlakətli keçdi. İyun ayında keçirilən Avropa Parlamentinə seçkilərdə onun ultrasağ rəqibləri - Milli Birlik Partiyası 81 yerdən 30-nu qazandı. Daha sonra keçirilən növbədənkənar seçkilər nəticəsində Milli Assambleyada centrist çoxluğu itirildi.
Avropa İttifaqının insan hüquqları üzrə sabiq komissarı Mişel Barnyenin rəhbərliyi ilə hökumət qurmaq cəhdi 2025-ci il büdcəsi ilə bağlı konsensus əldə edə bilmədiyinə görə uğursuzluğa düçar oldu.
Onun xələfi, makronçu Fransua Bayrunun daha uğurlu olacağı isə məlum deyil. Bu arada, Paris Avrozonanın ən yüksək büdcə kəsirlərindən birini azaltmağı tələb edən Brüsselin təzyiqi altındadır.
Gültac Mehdizadə
12:00 31.12.2024
Oxunuş sayı: 5022
