SpaceX daha bir qrup Starlink internet peykini orbitə buraxdı
Crossmedia.az xarici KİV-ə istinadən xəbər verir ki, SpaceX sosial mediada etdiyi paylaşımda, dekabrın 31-də Falcon 9 raketinin Starlink qlobal internet şəbəkəsinin orbital konstelasiyasını yeniləmək məqsədilə 21 mini-peyk orbitə buraxdığını bildirib.
“21 Starlink peykinin orbitə yerləşdirilməsi təsdiqləndi,” - deyə qeyd edilib.
Raketin buraxılışı Florida ştatındakı Kennedi Kosmik Mərkəzinin 39A buraxılış kompleksindən yerli vaxtla 00:39-da həyata keçirilib.
Təxminən bir saat sonra peyklər raketin ikinci pilləsindən ayrılaraq orbitə daxil olub.
Buraxılış zamanı raketin 16-cı dəfə istifadə olunan ilk təkrar istifadə edilə bilən pilləsi ayrıldıqdan sonra Atlantik okeanında yerləşən "Just Read the Instructions" adlı pilotsuz gəmisinə idarə olunan şaquli eniş edib.
Nabat Fərzəliyeva
10:35 31.12.2024
Oxunuş sayı: 4761
