İngiltərə Yaxın Şərqdəki yardım proqramlarına 76 milyon dollar ayırır
UK Government-ə istinadən Crossmedia.az xəbər verir ki, Böyük Britaniya dünyadakı ən ağır humanitar böhranlardan təsirlənən minlərlə həssas insana dəstək məqsədilə yardım proqramlarını genişləndirmək üçün 76 milyon dollar ayırıb.
61 milyon funt sterlinq (76 milyon dollar) dəyərində olan bu maliyyə paketi hökumətin “Dəyişiklik Planı” çərçivəsində miqrasiya axınlarını qaynar nöqtədə azaltmaq, iqlim böhranına qarşı mübarizə aparmaq və qlobal yoxsulluğu aradan qaldırmaq üçün istifadə ediləcək.
Yardım proqramları əsasən Yaxın Şərqdəki böhranlara cavab verməyə, Konqo Demokratik Respublikasında ölkədaxili didərgin düşənlərə dəstək olmağa və Tropik Siklonun təsirlərindən əziyyət çəkən insanlara yardım göstərməyə yönəlib. Bu tədbirlər həm miqrasiya axınlarını azaltmağa, həm də Böyük Britaniyanın sərhəd təhlükəsizliyini gücləndirməyə töhfə verəcək.
BMT-nin son hesabatına görə, 2025-ci ildə 305 milyon insanın təcili humanitar yardıma ehtiyac duyacağı gözlənilir.
Nabat Fərzəliyeva
10:20 31.12.2024
Oxunuş sayı: 19620
