Suriyanın Xİ nazirinin ilk rəsmi xarici səfəri Səudiyyə Ərəbistanına olacaq
Suriyanın keçid hökumətinin xarici işlər naziri Əsəd Həsən əl-Şeybani, vəzifəyə təyin olunduqdan sonra ilk xarici səfərini Səudiyyə Ərəbistanına edəcək.
Crossmedia.az xəbər verir ki, bu barədə əl-Şeybani X səhifəsində bildirib:
"Mən Səudiyyə Ərəbistanının xarici işlər naziri Feysəl bin Fərhan əl-Səuddan krallığa səfər etmək üçün rəsmi dəvət aldım. Bu dəvəti məmnuniyyətlə qəbul edirəm, ilk rəsmi səfərdə ölkəmi təmsil etmək mənim üçün şərəfdir".
O əlavə edib ki, Suriyanın yeni hakimiyyət orqanları Ər-Riyadla bütün sahələrdə strateji əlaqələr qurmağa ümid edir. Səfərin tarixi haqqında məlumat verilməyib.
Tərlan Əmrahova
09:50 31.12.2024
Oxunuş sayı: 4171
