Çində iki yeniyetmə bu səbəbdən həbs olundu
Çinin Hebey vilayətində iki yeniyetmə 13 yaşlı sinif yoldaşlarını qətlə yetirdikləri üçün həbs edilib.
Crossmedia.az xarici KİV-ə istinadən xəbər verir ki, hadisə mart ayında baş verib.
Qətldə əsas günahkar hesab edilən Çjan ömürlük həbs cəzası alıb. Cinayətdə iştirak edən və cəsədin basdırılmasında kömək edən Li isə 12 il həbs cəzasına məhkum edilib. Digər yeniyetmə, Ma, hadisə yerində olsa da, cinayətdə iştirak etmədiyi üçün həbs olunmayıb və xüsusi islah təhsili cəzası alıb.
Qeyd edək ki, 2021-ci ildə Çində cinayət məsuliyyətinin yaşı bəzi xüsusi hallar, o cümlədən “xüsusi qəddarlıqla törədilmiş qətl” üçün 14-dən 12-yə endirilib. Bu iş həmin qanunun tətbiq edildiyi ilk hallardan biridir.
Hadisədən sonra ictimaiyyət yeniyetmələr üçün daha sərt cəzalar, hətta ölüm hökmünün tətbiqini tələb edir. Onların fikrincə, son illərdə ağır cinayətlər yetərincə cəzalandırılmır.
Gültac Mehdizadə
16:33 30.12.2024
Oxunuş sayı: 8411
