Azərbaycanın milli dəyərləri Lavalda nümayiş olunub
Fransanın Laval şəhərində 160-dan çox assosiasiyanın iştirakı ilə sərgi keçirilib.
Crossmedia.az xəbər verir ki,tədbirdə Türk və Azərbaycan Assosiasiyasının gənc könüllüləri Azərbaycan mədəniyyətini, milli dəyərlərini və mətbəx nümunələrini təqdim ediblər.
Azərbaycan guşəsinə yaxınlaşan qonaqlar ölkənin tarixi, musiqisi və mədəniyyət abidələri haqqında məlumat verən kitab və broşürlərə nəzər salıblar. Ziyarətçilərə, həmçinin Azərbaycan mətbəxindən müxtəlif milli təamlar təqdim olunub.
Milli mətbəx nümunələri iştirakçılar tərəfindən maraqla qarşılanıb. Qonaqlar Azərbaycan və türk mətbəxinin özünəməxsusluğunu yüksək qiymətləndirərək gənc könüllülərə təşəkkürlərini çatdırıblar.
Tədbir Azərbaycan və türk mədəniyyətinin, milli mətbəxinin, eləcə də gənclərin könüllülük fəaliyyətinin Fransada tanıdılmasına mühüm töhfə verib.
18:24 07.09.2026
Oxunuş sayı: 65
