Xarici xəbərlər

Rusiyanın S-71 dronları Misirdə təqdim olunacaq

Rusiyanın Su-57 qırıcılarından buraxılmaq üçün hazırlanmış yeni S-71 ailəsinə məxsus reaktiv dronları Misirdə keçiriləcək “El Alamein International Airshow 2026” sərgisində ilk dəfə nümayiş etdiriləcək.

Crossmedia.az xəbər verir ki, “RİA Novosti” bu barədə “Rosoboroneksport” şirkətinə istinadən məlumat yayıb.

Sərgidə beşinci nəsil qırıcıların bortundan buraxılması nəzərdə tutulan S-71M və S-71K pilotsuz platformalarının təqdim ediləcəyi bildirilir.

S-71 ailəsinə məxsus yeni məhsul barədə ilk məlumatlar 2024-cü ildə yayılıb. Bu sistemlər kiçik ölçülü qanadlı raket kimi də təqdim olunur.

Məlumata görə, S-71K “Kover” əvvəlcədən müəyyən edilmiş koordinatlar üzrə hədəfləri vurmaq üçün nəzərdə tutulub. S-71M “Monoxrom”un isə obyektləri müstəqil şəkildə aşkarlamaq və tanımaq imkanına malik olduğu bildirilir.

Ukrayna tərəfi daha əvvəl S-71K-dan arxa cəbhədəki obyektlərin vurulması üçün istifadə edildiyini iddia edib. Turbojet mühərrikli bu sursatın uçuş məsafəsinin təxminən 300 kilometr olduğu qiymətləndirilir.

Mövzular:

Rusiya Su-57 RİA Novosti S-71M və S-71K pilotsuz platformaları Kover Monoxrom Ukranya

🖨 Çap et

15:13 04.09.2026

Oxunuş sayı: 45