Çin, Cənubi Koreyaya təyyarə qəzası ilə əlaqədar başsağlığı verib
Çin Xalq Respublikasının Sədri Si Cinpin, Cənubi Koreyada 179 nəfərin həyatını itirdiyi təyyarə qəzası ilə əlaqədar başsağlığı mesajı göndərib.
Crossmedia.az “Haber Global”a istinadən xəbər verir ki, Si Cinpin, Cənubi Koreyada prezident səlahiyyətlərini icra edən Maliyyə naziri, Çoi Sanq-moka ünvanladığı məktubunda, qəza xəbərini eşidəndə dərin kədərlə sarsıldığını bildirib. Çin hökuməti və xalqı adından ölənlərin ailələrinə başsağlığı verib. Yaralılara isə tezliklə sağalma diləyini ifadə edib.
Qeyd edək ki, Cənubi Koreyanın Muan şəhərində bir sərnişin təyyarəsi eniş zamanı idarəetməni itirərək qəza törədib. Nəticədə 179 nəfər həyatını itirib.
Fidan Hacızadə
07:13 30.12.2024
Oxunuş sayı: 5484
