“Trend” İnformasiya Agentliyinin fəaliyyətə başlamasından 31 il ötür
Bu gün Azərbaycanın aparıcı informasiya agentliklərindən biri olan “Trend” Beynəlxalq İnformasiya Agentliyinin fəaliyyətə başlamasından 31 il ötür.
“Trend” 1995-ci il sentyabrın 1-də fəaliyyətə başlayıb. Ötən 31 il ərzində agentlik operativ və etibarlı informasiya mənbəyi kimi Azərbaycanın media məkanında mövqeyini möhkəmləndirib.
Hazırda “Trend” Azərbaycan dili də daxil olmaqla 5 dildə informasiya məhsulları hazırlayır və müxtəlif ölkələrdə fəaliyyət göstərən müxbir şəbəkəsi vasitəsilə xəbərləri geniş auditoriyaya çatdırır.
Agentlik uzun illər ərzində Azərbaycanda və dünyada baş verən mühüm hadisələri operativ şəkildə işıqlandırmaqla yanaşı, ölkə ilə bağlı məlumatların beynəlxalq auditoriyaya çatdırılmasında da mühüm rol oynayıb.
“Trend”in fəaliyyəti yalnız xəbər istehsalı ilə məhdudlaşmır. Agentlik müxtəlif istiqamətlər üzrə informasiya və analitik materiallar hazırlayaraq ictimaiyyətin ölkədə və dünyada baş verən proseslər barədə məlumatlandırılmasına töhfə verir.
Peşəkar jurnalist kollektivi, geniş informasiya imkanları və beynəlxalq müxbir şəbəkəsi “Trend”in Azərbaycanın media məkanındakı mövqeyinin möhkəmlənməsinə imkan yaradıb.
Crossmedia.az Analitik İnformasiya Portalı olaraq “Trend” Beynəlxalq İnformasiya Agentliyinin kollektivini 31 illik yubiley münasibətilə səmimi-qəlbdən təbrik edir, həmkarlarımıza möhkəm cansağlığı, peşəkar fəaliyyətlərində yeni uğurlar, yaradıcılıq nailiyyətləri və davamlı inkişaf arzulayırıq
Azərbaycanın media məkanında mühüm yer tutan “Trend” Beynəlxalq İnformasiya Agentliyinə gələcək fəaliyyətində də uğurlar və yeni nailiyyətlər diləyirik.
15:18 01.09.2026
Oxunuş sayı: 62
