İranda TERROR AKTI - Kamikadze özünü partlatdı
İranin cənubunda yerləşən Hörmüzqan əyalətinin Bəndər Ləngə şəhərində terror aktı törədilib.
Crossmedia.az “Haber Global”a istinadən xəbər verir ki, Hörmüzqan əyalətinin polis idarəsindən verilən açıqlamada, hadisənin Bəndər Ləngə şəhər polis idarasinin qarşısında baş verdiyi, kamikadzenin özünü partlatdığı bildirilib.
Hörmüzqan Prokurorluğunun verdiyi məlumata görə, kəşfiyyat polisinin rəhbəri Müctəba Şəhidi şübhəli görünən avtomobili saxlayıb. Avtomobildə olan kamikadze maşından düşərək polis idarasinin qarşısında özünü partladıb. Partlayış zamanı yaralanan Müctəba Şəhidi xəstəxanaya çatdırılsa da, həyatını xilas etmək mümkün olmayıb. Hücumla əlaqədar bir nəfər həbs edilib.
Hələlik terroru hansı qruplaşmanın törətdiyi məlum deyil.
Fidan Hacızadə
12:37 29.12.2024
Oxunuş sayı: 12760
