Təyyarə gövdəsi üzərinə eniş edib: 25 nəfər xəsarət alıb
Kanadada St. John’s-Halifax reysini yerinə yetirən təyyarə, şassidə yaranan nasazlıq səbəbindən gövdəsi üzərinə eniş edib. Təyyarənin eniş zolağında sürüşərək alovlanması nəticəsində Halifax Hava Limanı bağlanıb.
Crossmedia.az “Haber Global”a istinadən xəbər verir ki, Kanadanın Labrador əyalətinin paytaxtı St. John’s-dan Yeni Şotlandiya əyalətinin paytaxtı Halifax hava limanına uçan, C-GPNA qeydiyyatlı Dash 8-400 tipli təyyarə, şassidə yaranan nasazlıq səbəbindən gövdəsi üzərinə eniş edib.
ARFF (Hava Limanı Xilasetmə və Yanğınla Mübarizə) qrupları alova müdaxilə edərək sərnişinləri təxliyə edib. Hadisə nəticəsində təyyarədə olan sərnişinlərdən 25 nəfərin yüngül xəsarət aldığı bildirilib.
Fidan Hacızadə
09:38 29.12.2024
Oxunuş sayı: 5111
