Sərnişin təyyarəsi təcili eniş zamanı zolaqdan çıxıb
Norveçdən Hollandiyaya uçan sərnişin təyyarəsinin təcili eniş zamanı uçuş-enmə zolağından çıxdığı bildirilib.
Crossmedia.az “Haber Global”a istinadən xəbər verir ki, Hollandiya Krallıq Hava Yolları (KLM) tərəfindən verilən açıqlamada, Boeing 737-800 tipli təyyarənin Oslo Hava Limanından Amsterdam istiqamətində uçuşa başladığı zaman yüksək bir səs eşidildiyi üçün Sandefjord Hava Limanına yönləndirilib. Təcili eniş zamanı uçuş-enmə zolağından çıxaraq çəmənlik əraziyə sürüşdüyü qeyd edilib.
Təyyarədəki 176 sərnişin və 6 ekipaj üzvünün xəsarət almadığı, hadisə ilə bağlı araşdırmanın başladıldığı bildirilib.
Fidan Hacızadə
09:09 29.12.2024
Oxunuş sayı: 4366
