Ukraynanın hücumu zamanı ölən və yaralananlar var
Qorlovkanın atəşə tutulması zamanı 7 nəfər yaralanıb.
Crossmedia.az-ın “News.ru”ya istinadən verdiyi məlumata görə, Ukraynanın hücumu nəticəsində KXDR-in 7 mülki vətəndaşı yaralanıb. Bu barədə "respublika"nın rəhbəri Denis Puşilin telegram kanalında məlumat verib.
Məlumata görə, bütün zərərçəkənlərə lazımi tibbi yardım göstərilib. Nikitovski rayonunda 1961-ci il təvəllüdlü qadın düşmənin kaset artilleriyasından istifadə etməsi nəticəsində orta dərəcəli bədən xəsarətləri alıb. 1965-ci il təvəllüdlü kişi, 1953-cü il təvəllüdlü qadın və 1981 və 2001-ci il təvəllüdlü kişilər xəsarət alıb. Bundan əlavə, top artilleriyasından açılan atəş nəticəsində 1953-cü il təvəllüdlü bir nəfər ağır yaralanıb.
Hücum nəticəsində bir yaşayış binasına da ziyan dəyib. 10-a yaxın silahlı hücum 155 mm çaplı artilleriya, o cümlədən kaset sursatları, həmçinin hücum pilotsuz uçan aparatından istifadə etməklə həyata keçirilib.
Belqorod vilayətinin başçısı Vyaçeslav Qladkov Ukrayna Silahlı Qüvvələrinin bir sutka ərzində Belqorod vilayətinə 50 dəfə hücum etdiyini bildirib. Onun sözlərinə görə, qırıcılar hücum üçün müxtəlif mərmilərdən və PUA-lardan istifadə ediblər.
Bundan əvvəl Rusiya Müdafiə Nazirliyinin mətbuat xidməti bildirib ki, dekabrın 28-nə keçən gecə Rusiya ərazisi üzərində növbətçi hava hücumundan müdafiə sistemləri Ukraynanın 56 pilotsuz uçuş aparatını məhv edib. Ümumilikdə Ukrayna Silahlı Qüvvələri Rusiyanın üç bölgəsinə hücum etməyə cəhd edib.
Samirə Şərif
08:08 29.12.2024
Oxunuş sayı: 6264
