Şimali Koreya ABŞ-a qarşı sərt cavab strategiyası elan edib
Koreya İşçi Partiyasının Mərkəzi Komitəsinin plenar iclasında “ABŞ-a qarşı son dərəcə sərt cavab strategiya” elan edilib.
Crossmedia.az “TASS”a istinadən xəbər verir ki, “ABŞ, Yaponiya və Cənubi Koreya arasında ittifaq aqressiv nüvə hərbi bloku kimi genişləndirilib. Cənubi Koreyanın ABŞ üçün anti-kommunist forpostuna çevrildiyi indiki reallıq bizim hansı istiqamətə getməli olduğumuzu aydın şəkildə göstərir. Nə etməli və bunu necə etmək lazımdır, artıq dəqiq bilirik”, – Koreya Mərkəzi Xəbər Agentliyinin (KCNA) məlumatında bildirilib.
İclasa sədrlik edən Şimali Koreya lideri Kim Çen In ölkənin müdafiə qabiliyyətinin artırılmasında əldə edilən mühüm nailiyyətləri vurğulayıb və partiyanın fəal xarici siyasət yürütmək planlarına diqqət çəkib.
Fidan Hacızadə
06:39 29.12.2024
Oxunuş sayı: 16417
