“Britaniya kəşfiyyatı Suriyadakı Rusiya hərbi elementlərinə qarşı hücum təşkil edir”
Rusiya Xarici Kəşfiyyat Xidməti (SVR), Britaniya kəşfiyyatının Suriyadakı Rusiya hərbi bazalarına qarşı terror hücumları təşkil etməyi planlaşdırdığını iddia edib.
Crossmedia.az “Haber Global”a istinadən xəbər verir ki, SVR-dən verilən açıqlamada ABŞ və Britaniyanın Suriyaya yönəlik fəaliyyətləri qiymətləndirilib.
Açıqlamada, ABŞ və Britaniyanın Yaxın Şərqdə xaos mühitini davam etdirmək üçün Suriyadakı vəziyyətin sabitləşməsinə mane olmağa çalışdığı vurğulanıb. “Vaşinqton və London bu yolla öz geosiyasi hədəflərinə daha sürətli çatacağını düşünür”, - ifadəsi qeyd edilib.
Həmçinin, ABŞ və Britaniyanın Suriyadakı Rusiya hərbi bazalarının çıxarılmasını istədiklərinə işarə edilib:
“Britaniya kəşfiyyatı Suriyadakı Rusiya hərbi elementlərinə qarşı terror hücumları təşkil etməyi planlaşdırır. Bu mövzuda rol isə yeni rəhbərliyin həbsxanalardan azad etdiyi İŞİD terror təşkilatı döyüşçülərinə verilib. London və Vaşinqton bu cür təxribatların Rusiyanı Suriyadan hərbi qüvvələrini çıxarmağa təşviq edəcəyini düşünür. Beləliklə, Suriyadakı yeni rəhbərlik radikal qruplara nəzarət edə bilməməkdə ittiham olunacaq”, - deyə bildirilib.
Fidan Hacızadə
18:31 28.12.2024
Oxunuş sayı: 3680
