Minsk Qrupu ləğv edilir? – Rusiya hərkətə keçdi
Rusiya, ATƏT-in Minsk Qrupu çərçivəsində uzun illər aparılmış müzakirələrin nəticəsiz qalmasından sonra bu qurumun tamamilə ləğv edilməsini tələb edib. Son dövrlərdə Minsk Qrupunun fəaliyyətsizliyi və prosesə təsir imkanlarının azalması bu çağırışların aktuallığını daha da artırıb.
Mövzu ilə bağlı politoloq Turab Rzayev Crossmedia.az-a açıqlama verib. Onun sözlərinə görə, “Rusiya Minsk Qrupunun strukturlarını ləğv etməyi tələb edir. Bu, Azərbaycanın maraqlarına da uyğundur. Çünki Azərbaycan da Ermənistana qarşı əsas şərt olaraq Konstitusiyadan Azərbaycan əleyhinə olan maddələrin çıxarılmasını və Minsk Qrupunun fəaliyyətinin dayandırılmasını tələb edir. Rusiya isə bu mövqedən çıxış edərək bildirir ki, Azərbaycan və Ermənistanın mövqeləri üst-üstə düşür. Çünki artıq Minsk Qrupu öz funksionallığını itirib”.
Politoloqun fikrincə, “Minsk Qrupu artıq 2-3 ildir ki, görüşlər keçirmir. Onun əvəzinə hər bir ölkə öz nümayəndəsini təyin edir. Belə olan halda, Minsk Qrupuna ehtiyac qalmır. Rusiya da bu mövqeyi ortaya qoymaqla Qarabağ münaqişəsinin həllindən sonra Minsk Qrupunun saxlanılmasının əhəmiyyətsizliyini göstərməyə çalışır”.
Fidan Hacızadə
12:59 28.12.2024
Oxunuş sayı: 18564
