ABŞ Ukraynanın zəngin mineral resurslarına və təbii sərvətlərinə göz dikib
ABŞ-nin yeni seçilmiş prezidenti Donald Trampın Ukrayna münaqişəsinə yanaşması, səhnə arxasında davam edən dramatik danışıqlar və Trampın gizli məqsədləri maraq doğurur. Tramp Ukrayna savaşına ciddi yanaşsa da, əsasən ABŞ-nin maraqlarına fokuslanır. Görünür ki, Trampın planları Ukraynanın taleyini dəyişdirəcək.
Mövzu ilə bağlı siyasi şərhçi Elçin Xalidbəyli Crossmedia.az-a açıqlamasında bildirib ki, ABŞ-nin yeni seçilmiş prezidenti Donald Tramp Ukrayna savaşına qətiyyən laqeyd yanaşmır.
“Əksinə, Ağ Evin yeni sahibi Ukrayna savaşına olduqca ciddi yanaşır. Hazırda bu istiqamətdə səhnə arxasında bazarlıqlar davam edir. Trampın laqeyd olduğu istiqamət isə Ukraynanın maraqlarına çox laqeyd yanaşmasıdır. Trampı Ukraynanın gələcək taleyi qətiyyən düşündürmür”.
E.Xalidbəyli həmçinin vurğulayıb ki, ABŞ Ukraynanın zəngin Avropada ən zəngin mineral resurslarının istismarı ilə bağlı müqaviləni bağlamağa məcbur etmək istəyir.
“Əsas məqsəd odur ki, Ukrayna savaşı dayandırıldıqdan sonra Ukraynanın zəngin mineral resursları və təbii sərvətləri Amerika Birləşmiş Ştatları tərəfindən istifadə olunsun. ABŞ və Avropa Birliyi Ukraynaya, savaşa 350-400 milyard dollar həcmində maliyyə xərcləyib. ABŞ Ukraynadan qat-qat artığını geri qazanmış olacaq”.
Samirə Şərif
12:12 28.12.2024
Oxunuş sayı: 5079
