Qırğızıstan Prezidentinin mətbuat katibi: Vətəndaşımızın gətirilməsi üçün təyyarə hazırdır
Qazaxıstanın Aktau şəhərində təyyarə qəzasında xəsarət alan Qırğızıstan vətəndaşı Rinat Asanovun gətirilməsi üçün təyyarə hazırdır.
Crossmedia.az Qırğızıstan mətbuatına istinadla xəbər verir ki, bu haqda Qırğızıstan Prezidentinin mətbuat katibi Askat Alaqozov məlumat verib. Onun sözlərinə görə, R.Asanovun hazırkı vəziyyəti ağır olaraq qalır və təyyarəyə yerləşdirmə onun üçün təhlükəli ola bilər:
“Həkimlər icazə verən kimi o, vətəninə gətiriləcək. Buna görə də hazırda o, yerli xəstəxanada tibbi yardım alır və müalicə olunur”.
Qeyd edək ki, Qırğızıstanın digər iki vətəndaşının vəziyyəti qənaətbəxş qiymətləndirilir və onların xəstəxanadan bazar ertəsi buraxılması planlaşdırılır. Bu barədə səhiyyə naziri Alımkadır Beyşenaliyev ölkə Prezidenti Sadır Japarova təyyarə qəzasında xəsarət alanlara xüsusi diqqət göstərilməsi ilə bağlı tapşırığının icrası barədə məruzəsində bildirib.
Nəzrin Salmanova
11:52 28.12.2024
Oxunuş sayı: 24443
