Əfqanıstan və Pakistan sərhəd qüvvələri arasında münaqişə baş verib
Əfqanıstan və Pakistan sərhəd qüvvələri arasında silahlı qarşıdurma baş verib. Münaqişə nəticəsində 19 Pakistan əsgəri, həmçinin Pakistan qüvvələrinin minaatan hücumu nəticəsində Dand-e Patan rayonunda 3 Əfqanıstan vətəndaşının öldüyü iddia edilir.
Crossmedia.az “TOLO News”-a istinadən xəbər verir ki, Əfqanıstanın Xost və Paktiya vilayətlərinin Pakistanla sərhədində iki ölkə sərhəd qüvvələri arasında toqquşmalar davam edir.
Məlumatda bildirilib ki, Əli Şir rayonunda Əfqan qüvvələri Pakistan qüvvələrinə məxsus bəzi nəzarət məntəqələrini yandırıb. Paktiya vilayətinin Dand-e Patan rayonunda isə Əfqan qüvvələri Pakistan qüvvələrinə məxsus iki nəzarət məntəqəsini ələ keçirib.
Fidan Hacızadə
09:20 28.12.2024
Oxunuş sayı: 18640
