Rusiyanın Xarici Kəşfiyyat Xidməti: Suriyadakı bazalarımıza terror hücumları hazırlanır
ABŞ və Böyük Britaniyanın xüsusi xidmət orqanları Rusiyanın Suriyadakı bazalarına terror hücumları hazırlayır.
Crossmedia.az Rusiya mətbuatına istinadla xəbər verir ki, bu barədə Rusiyanın Xarici Kəşfiyyat Xidmətinin mətbuat bürosu məlumat yayıb.
“Xarici Kəşfiyyat Xidmətinə daxil olan məlumata görə, ABŞ-nin gedən administrasiyası və Britaniya rəhbərliyi Suriya Prezidenti Bəşər Əsədin devrilməsindən sonra bu ölkədə vəziyyətin sabitləşməsinə imkan verməmək niyyətindədir. Daha geniş mənada, onlar Yaxın Şərqdə xaos vəziyyətini qoruyub saxlamaq məqsədi güdürlər”, - deyə məlumatda qeyd olunub.
Məlumatda Vaşinqton və Londonun belə şəraitdə öz geosiyasi məqsədlərinə - regionda uzunmüddətli dominantlığını təmin etməyə daha tez nail ola biləcəklərini düşündüyü də qeyd olunub:
“Rusiyanın Suriyanın Aralıq dənizi sahilindəki hərbi iştirakına mane olur ki, bu da hələ də regional sabitliyin mühüm amili kimi çıxış edir", - deyə mənbədə bildirilib.
Nəzrin Salmanova
09:01 28.12.2024
Oxunuş sayı: 25845
