Gənclər və İdman

Mahir Emrelinin komandası Konfrans Liqasında pley-offa vəsiqə qazanıb

Azərbaycan millisinin futbolçusu Mahir Emrelinin çıxış etdiyi Polşanın "Rakuv" klubu UEFA Konfrans Liqasında pley-off mərhələsinə vəsiqə əldə edib.

Crossmedia.az xəbər verir ki, Çenstoxova təmsilçisi buna III mərhələnin cavab oyununda İsveçdə "Hammarbü" komandası üzərində 1:0 hesablı qələbə qazanmaqla nail olub.

İlk görüşdə rəqibi ilə qolsuz heç-heçəyə razılaşan "Rakuv" səfər qələbəsi sayəsində növbəti mərhələyə yüksəlib.

Meydana start heyətində çıxan Mahir Emreli 67-ci dəqiqədə sarı vərəqə ilə cəzalandırılıb. Hücumçu 73-cü dəqiqədə əvəzlənərək meydanı tərk edib.

Qeyd edək ki, "Rakuv" pley-off mərhələsində "Hayduk" (Xorvatiya) - "Jalgiris" (Litva) cütünün qalibi ilə qarşılaşacaq. Bu raundun ilk oyunları avqustun 20-də, cavab görüşləri isə 27-də keçiriləcək.

Mövzular:

futbol idman oyun UEFA konfrans liqa

🖨 Çap et

23:33 13.08.2026

Oxunuş sayı: 49