BDU Özbəkistandakı universitet ilə birgə elmi tədqiqatlar aparacaq
Bakı Dövlət Universitetinin (BDU) nümayəndə heyəti Özbəkistanın Dünya İqtisadiyyatı və Diplomatiya Universitetində olub.
Crossmedia.az BDU-ya istinadən bildirilib ki, görüşdə akademik və elmi əlaqələrin gücləndirilməsi istiqamətində müzakirələr aparılıb, bunun iki ölkə arasında münasibətlərin inkişafına töhfə olacağına və qısa müddətdə real nəticələr verəcəyinə əminlik ifadə olunub.
Görüşün sonunda iki universitet arasında əməkdaşlıq haqqında anlaşma memorandumu imzalanıb.
Müqavilədə ortaq elmi tədqiqatların aparılması, elm və təhsil sahəsində birgə layihələrin hazırlanması, müəllim-tələbə mübadiləsinin həyata keçirilməsi nəzərdə tutulur.
11:39 27.12.2024
Oxunuş sayı: 15826
