Nigeriyada hərbi təyyarə səhvən mülki insanlara hücum edib
Surame bölgəsində silahlı qruplara qarşı həyata keçirilən əməliyyat zamanı orduya məxsus hərbi təyyarə səhvən iki kənddə mülki insanlara hücum edib.
Crossmedia.az “Haber Global”a istinadən xəbər verir ki, Ştatın qubernatoru Əhməd Alyu çərşənbə günü baş verən hücumda 10 nəfərin həyatını itirdiyini açıqlayıb.
Alyu bildirib: “Hərbi təyyarələr ştatda terror cinayətləri törədən silahlı qrupları zərərsizləşdirmək üçün vəzifədə idi. Lakin səhvən günahsız insanları bombaladılar.”
Həyatını itirənlərin yaxınlarına başsağlığı diləyən Alyu, ştat rəsmilərinin hərbi əməliyyatı araşdırmaq üçün digər səlahiyyətlilərlə əməkdaşlıq edəcəyini qeyd edib.
Fidan Hacızadə
20:09 27.12.2024
Oxunuş sayı: 5757
