Hadisə

Əməkdar artist qaydaları heçə saydı - Tədbir görüldü

Baş DYP İdarəsinin bölmə rəisi Elvin Hacıyev Crossmedia.az-ın sorğusuna cavab olaraq bildirib ki, sürücü barəsində qanunamüvafiq məsuliyyət tədbiri görülüb.

“Sürücülərdən bir daha xahiş edirik ki, yol hərəkəti qaydalarına ciddi əməl etsinlər”, - deyə E.Hacıyev əlavə edib.

12:22

Əməkdar artist Aqşin Abdullayev yol hərəkəti qaydalarını kobudcasına pozub.

Crossmedia.az xəbər verir ki, qayda pozuntusuna aid görüntüləri sənətçi özü sosial şəbəkə hesabında paylaşıb.

Məlum olub ki, A.Abdullayev 90-RX-200 dövlət qeydiyyat nişanlı “Cadillac” markalı avtomobili yolun hərəkət hissəsinin ortasında saxlayıb. O, avtomobili tərk edərək yolun ortasında mahnı oxumağa başlayıb. Bu zaman hər hansı təhlükəsizlik tədbiri, xəbərdarlıqedici nişan qoyulmayıb.

Nəticədə, yoldan keçən digər avtomobillər oradan çətinliklə keçiblər və qəza riski yaranıb.

Qeyd edək ki, yollarda bu kimi çəkilişlər zamanı müvafiq qurumların əvvəlcədən məlumatlandırılması və digər hərəkət iştirakçılarının təhlükəsizliyinin təmin edilməsi mütləqdir. (Qafqazinfo)